Ötən il Türkiyədə 1 milyon 300 minə yaxın uşaq doğulub

Ötən il Türkiyədə 1 milyon 295 min 784 uşaq dünyaya gəlib.

AZƏRTAC xəbər verir ki, bu barədə Türkiyə Statistika Komitəsi məlumat yayıb.

Məlumatda bildirilir ki, 2018-ci ildə ölkədə doğulan uşaqların sayı 2017-ci illə müqayisədə 3,6 faiz azalıb. Uşaqların 51,3 faizini oğlanlar, 48,7 faizini isə qızlar təşkil edir.

Ölkədə daha çox 25-29 yaş arası qadınların uşaq dünyaya gətirdiyi müəyyən edilib. Ötən il bu yaş qrupunda hər 1000 qadına 128 doğuş düşüb.