Paşinyan Ermənistan vətəndaşlarının hesabına rahatlığından qalmır

Ermənistanın baş nazir vəzifəsini icra edən Nikol Paşinyan dövlət təyyarələrinin nasazlığı səbəbindən Kazandan Ermənistana özəl təyyarə ilə qayıdıb, hansı ki, onun icarəsinə erməni vergi ödəyiciləri 50 min dollar (85 000 AZN) xərcləyib.

Bu barədə “Mediaport” “Telegram” kanalı xəbər yayıb.

Kanal aviabiletlərin onlayn satış saytlarından müəyyən edib ki, o, bu gün Ermənistana 82 dollara (təqribən 139 AZN) başa gələcək Kazan-İrəvan reysi ilə də qayıda bilərdi və bunun üçün astronomik məbləğdə pul ödəmək lazım deyildi.

Ermənistanda təcili işi olmayan Paşinyan isə əlbəttə ki, erməni xalqının vergiləri sayəsində formalaşan büdcə vəsaitləri hesabına elit məmnuniyyətə üstünlük verib.