Məktəblərdə kiçik və böyük summativlər birləşdiriləcək - RƏSMİ

“Summativ testlərin əyani formada keçirilməsini planlaşdırırıq. Pandemiya ilə bağlı mövcud vəziyyət qiymətləndirildikdən sonra prosesin məktəb çərçivəsində həyata keçirilməsinə çalışacağıq”.

Oxu.Az-ın məlumatına görə, bu barədə Təhsil naziri Emin Əmrullayev “Facebook” səhifəsi üzərindən pandemiya dövründə tədrisin təşkili, müəllimlərin işə qəbulu və yerdəyişməsi, 1-ci sinfə qəbul və təhsil haqqı ödənişlərində sosial paketlərlə bağlı suallara cavab verərkən deyib.

Nazir bildirib ki, kiçik və böyük summativ qiymətləndirmələr birləşdiriləcək:

“Cari ilin sonunda şagirdlərə daha az yük düşməsi şərti ilə bir dəfə qiymətləndirilmə həyata keçiriləcək. Nəticə olaraq yarım il qiymətinin çıxarılması planlaşdırılır”.