Xırdalanda avtomobil piyadanı vuraraq ağır xəsarət yetirdi

Abşeronda piyadanın xəsarət alması ilə nəticələnən yol-nəqliyyat hadisəsi baş verib.

“Report” xəbər verir ki, hadisə Xırdalan şəhərində qeydə alınıb.

“Quşçuluq” yaşayış massivində avtomobil yolu keçən 1986-cı il təvəllüdlü Nuriyev Mahir Hilal oğlunu vurub.

Yaralı təcili tibbi yardım avtomobili ilə xəstəxanaya çatdırılıb. Müayinə zamanı ona kəllə-beyin travması, sol gicgah nahiyəsi və çənə nahiyəsinin əziyi diaqnozları qoyulub.

Fakt araşdırılır.