Alimdən şəhidlərin adına salınan bağ ilə bağlı ÇAĞIRIŞ - FOTO

Vətən müharibəsi zamanı Azərbaycanın ən çox bombalanan şəhəri Tərtərdə böyük layihə həyata keçirilib.

Bu barədə alim, siyasi elmlər üzrə fəlsəfə doktoru Zaur Əliyev məlumat yayıb.

O, “Vətən Bağı” layihəsinin müəlliflərindən biri olan Emin Tarverdiyevin çağırışına qoşulub:

“Təxminən 30-dan çox Qarabağ müharibəsi qazisi, 30-dan çox şəhid ailəsi və 100-ə yaxın könüllüdən ibarət şəxslə birgə 4 minə yaxın meyvə ağacından “Vətən bağı” adlandırılan bağ sahəsi salındı. Burdakı ağacların hər biri Vətən müharibəsində şəhid olan bir qardaşımızın adına əkilib. Ağacların sayı çoxalacaq. Bu ağacların meyvələri qazi və şəhid ailələrinə paylanılacaq.

Lakin bu böyük işdə bir məsələ mütləq icra olunmalıdır. Suvarma. Bu gün həmin parkın suvarılmasını damcı suvarma üsulu ilə həyata keçirmək, bunun üçün yeraltı su anbarı inşa etdirmək lazımdır. Yeraltı su anbarının yeri hazırlansa da, onun içinə döşənəcək membran qatın alınmasında, damcı suvarma sisteminin qurulmasında ciddi maliyyəyə ehtiyac var.

Belə ki, membran qatın və damcı suvarma sisteminin quraşdırılması üçün təxminən 12 min manat civarında pul lazımdır. Çünki, damcı suvarma sisteminin qurulması üçün ən yüksək keyfiyyətli materiallara üstünlük vermişik ki, bu da uzunömürlülük baxımından daha önəmlidir.

“Vətən bağı” Şəhidlər parkının suvarma sisteminin qurulmasına köməklik göstərmək lazımdır”.