ABŞ Pakistanın hava məkanından istifadə ilə bağlı razılığa gəlmək istəyir

ABŞ Prezidenti Co Bayden administrasiyası Əfqanıstanda hərbi və kəşfiyyat əməliyyatları üçün Pakistan hava sahəsinin istifadəsi ilə bağlı tezliklə razılığa gələcəyini gözləyir.

Administrasiya nümayəndələri cümə günü ABŞ qanunvericiləri ilə qapalı görüşdə öz planlarını bölüşüblər. Pakistan hökuməti Birləşmiş Ştatlarla anlaşma memorandumunun bağlanılmasında israrlıdır və bunun əsasında Vaşinqton hava sahəsinə çıxış müqabilində Pakistan rəhbərliyinə terrorçularla mübarizədə dəstək verəcək və Hindistanla əlaqələrin qurulmasında onlara kömək edəcək. Danışıqların davam etdiyi və müqavilənin şərtlərinin dəyişə biləcəyi istisna olunmur.

ABŞ qüvvələri hazırda Pakistan hava məkanından qonşu Əfqanıstanda kəşfiyyat aparmaq üçün istifadə edir. Lakin rəsmi razılaşmanın olmaması Pakistan hakimiyyətinin bu təcrübəyə son qoymasına səbəb ola bilər.

Mənbə: CNN