Hərbi xidmətdən yayınma halları ilə bağlı AÇIQLAMA

"2018-ci illə müqayisədə 2019-cu ildə qeydə alınmış hərbi xidmətdən yayınma cinayətləri 14,1 faiz azalıb”.

Modern.az xəbər verir ki, bu barədə Azərbaycanın Hərbi prokuroru Xanlar Vəliyev bu gün keçirilən kollegiya iclasında məlumat verib. Prokuror bu nəticənin əhəmiyyətli dərəcədə irəliləyiş olduğunu qeyd edib.

Qeyd edək ki, bu gün Prezident İlham Əliyevin imzaladığı "Azərbaycan Respublikası vətəndaşlarının 2020-ci il yanvarın 1-dən 30-dək müddətli həqiqi hərbi xidmətə çağırılması və müddətli həqiqi hərbi xidmət hərbi qulluqçularının ehtiyata buraxılması haqqında" sərəncama uyğun olaraq yanvarın 1-dən başlanmış növbəti həqiqi hərbi xidmətə çağırış başa çatıb.