Xaçmazda 59 yaşlı piyada avtoqəzada ölüb

Xaçmaz şəhərində ölümlə nəticələnən yol nəqliyyat hadisəsi baş verib.

AZƏRTAC xəbər verir ki, hadisə axşam saatlarında şəhərin Bakı prospektində qeydə alınıb. Nəqliyyat vasitəsi yolu keçmək istəyən piyada, Xaçmazın Şıxlar kənd sakini, 1962-ci il təvəllüdlü Xasıyev Hacıağa Abdulvahab oğlunu vurub. H.Xasıyev aldığı xəsarətlərdən hadisə yerində dünyasını dəyişib.

Faktla bağlı araşdırmalar davam etdirilir.