Ceyhun Bayramov Pakistana başsağlığı verdi – FOTO

Xarici işlər naziri Ceyhun Bayramov Pakistana başsağlığı verib.

Bununla bağlı Azərbaycan Xarici İşlər Nazirliyinin “Twitter” hesabında bildirilib.

Nazir qeyd edib ki, Pəncab əyalətindəki dəhşətli avtobus qəzası xəbəri bizi dərindən kədərləndirdi.

“Qəzada ölənlərə Allahdan rəhmət diləyirik, onların ailələrinə, qardaş Pakistan xalqına başsağlığı veririk. Yaralananların isə tezliklə sağalmalarını arzulayırıq”.