Avstriyada peyvənd olunmayanlar üçün lokdaun tətbiq edilir

Avstriyada koronavirusa qarşı vaksinasiya olunmayanlar üçün noyabrın 15-dən etibarən məhdudiyyətlər tətbiq ediləcək.

Bu barədə ölkənin baş naziri Aleksander Şallenberq məlumat verib.

Müvafiq qərar hökumətin federal torpaqların rəhbərlərilə görüşü sonrası qəbul edilib.

Məhdudlaşdırıcı tədbirlərin 12 yaşdan aşağı şəxslərə aid edilmədiyi vurğulanıb.

Baş nazirin sözlərinə görə, peyvənd olunmayanlar tərəfindən qaydalara əməl olunmasına polis nəzarət edəcək. Qayda pozucuları isə cərimə olunacaq.

Mənbə: “RİA Novosti”