Sabunçu dəmir yolu stansiyasında “Kalaşnikov” tapıldı

Daxili İşlər Nazirliyinin (DİN) Nəqliyyatda Baş Polis İdarəsi əməkdaşlarının daxil olmuş məlumat əsasında keçirdikləri əməliyyat tədbiri nəticəsində Bakı şəhər sakini, əvvəllər məhkum olunmuş V.Miqunov saxlanılıb.

DİN-in Mətbuat Xidmətindən verilən məlumata görə, şəxsi axtarış zamanı ondan 40 qram tiryək və bir ədəd avtomat patronu götürülüb.

Ətrafında aparılan tədbirlərlə onun Sabunçu dəmir yolu stansiyasının ərazisində gizlətdiyi nömrəsi silinmiş “AKM” markalı avtomat, bir ədəd patron darağı və 27 ədəd patron da aşkar edilərək götürülüb.