Göz xəstəliyi olanlara XƏBƏRDARLIQ: “Omikron”un risk qrupundadırlar

Müəyyən göz xəstəlikləri olan şəxslər “Omikron”a daha həssas olan insanların kateqoriyasına daxildir.

Bu barədə rusiyalı oftalmoloq, tibb elmləri doktoru, Dövlət Dumasının Sağlamlığın Mühafizəsi Komitəsinin eksperti Tatyana Şilova xəbərdarlıq edib.


“Əvvəla, bu, görmə orqanının qişasının bütövlüyünün pozulduğu xəstəliklərə aiddir, yəni quru göz sindromu, allergik təzahürlər, iltihab, konjonktivit və keratit (gözün buynuz qişasının iltihabı)”, - deyə o, izah edib.

Onun sözlərinə görə, selikli qişası artıq hansısa dağıdıcı proses nəticəsində zədələnmiş şəxslər risk qrupuna daxildir.

“Bu zaman hər hansı bir yoluxucu agentin, o cümlədən koronavirusun içəri daxil olma ehtimalı daha yüksəkdir”, - deyə Şilova əlavə edib.

Oftalmoloq həmçinin qeyd edib ki, digər ştamlarla müqayisədə “Omikron” göz xəstəliyi olanlar üçün daha çox yoluxma riski daşıyır.

“Bununla belə, “Omikron”un görmə orqanından nüfuz etməyi asanlaşdıran heç bir xüsusi mexanizm yoxdur. Ştammın bu xüsusiyyəti daha yüksək səviyyəli yoluxuculuğu ilə əlaqələndirilir”, - deyə həkim sözlərini yekunlaşdırıb.

Mənbə: Lenta.ru