Könül Həsənova: Təhsilə Həsr Olunmuş Şəxs

5 Oktyabr – Beynəlxalq Müəllimlər Günü, müəllimlərin həyatımızda oynadığı əvəzsiz rolu, gənc nəsillərin yetişməsində göstərdikləri fədakarlığı və zəhməti qeyd etmək üçün xüsusi gündür. Bugün biz müəllimlərin yalnız bilik ötürən deyil, həmdə gələcək nəsillərin şəxsiyyətvə əxlaqını formalaşdıran əvəzsiz fəaliyyətini yüksək qiymətləndiririk.

Şəmkir rayon Rövşən İsmayılov adına Xuluf kənd Tam Orta ümümtəhsil məktəbin direktoru Könül Həsənova təhsil prosesinə innovativ yanaşma gətirməklə məktəbin inkişafına yeni bir nəfəs verib. Onun təşəbbüsü ilə dərs proqramlarında müasir tədris metodlarından istifadə edilir, şagirdlərin fərdi bacarıqları nəzərə alınaraq təlim-tərbiyə prosesinə xüsusi diqqət yetirilir. Bu yanaşma sayəsində məktəb məzunlarının nəticələri hər il daha da yaxşılaşır.

Könül Həsənova məktəbin maddi-texniki bazasının gücləndirilməsi üçün yorulmadan çalışır. Onun rəhbərliyi ilə məktəbdə tədris otaqları müasir avadanlıqlarla təmin edilib, kompüter texnologiyalarından istifadəyə xüsusi diqqət ayrılıb. Tədris şəraitinin yaxşılaşdırılması, şagirdlərin təhsil prosesində daha yüksək nəticələr əldə etməsinə şərait yaradıb.

Könül Həsənova, şagirdlərin vətənpərvər ruhda yetişdirilməsi istiqamətində də böyük işlər görür. Onun təşəbbüsü ilə məktəbdə şəhidlərimizin xatirəsinə həsr olunmuş tədbirlər keçirilir, qazilərlə görüşlər təşkil olunur. Bu tədbirlər, gənc nəslin öz Vətəninə bağlılığını daha da gücləndirir.

Könül Həsənova, şəhid ailələrinə və qazilərə xüsusi qayğı ilə yanaşan bir insandır. Məktəbdə şəhid övladlarına xüsusi diqqət yetirilir, onların təhsil prosesində hər hansı çətinliklərlə üzləşməməsi üçün bütün imkanlar səfərbər olunur. Qazilərimizlə keçirilən tədbirlər isə həm şagirdlər, həm də müəllimlər arasında böyük rəğbət qazanır.

Könül Həsənova müəllim kollektivi ilə birgə çalışaraq, məktəbdə sağlam bir təhsil mühiti formalaşdırıb. Onun rəhbərliyi altında məktəb yalnız dərslərin keçirildiyi məkan deyil, həm də bir elm və inkişaf mərkəzinə çevrilib. Müəllimlərin peşəkarlığını artırmaq üçün treninqlər təşkil olunur, onların təşəbbüsləri dəstəklənir.

Könül Həsənovanın səmərəli fəaliyyəti, həm məktəbin şagirdləri, həm valideynlər, həm də kənd ictimaiyyəti tərəfindən yüksək qiymətləndirilir. O, kənddə təhsilin inkişafında böyük rol oynamaqla yanaşı, insanlara nümunəvi rəhbər və qayğıkeş bir şəxs olaraq da tanınır.

Könül Həsənova Şəmkir rayon Rövşən İsmayılov adına Xuluf kənd Tam Orta ümümtəhsil məktəbində gördüyü böyük işlər, Azərbaycan təhsilinə və gənclərin inkişafına verdiyi töhfələr hamı tərəfindən alqışlanır. Biz də ona gələcək fəaliyyətində uğurlar arzulayır, təhsil sahəsində daha böyük zirvələrə çatacağına inanırıq!