Metroda üztanıma ilə ödəniş metodu sınaqdan keçirilir

Moskva metropoliteni yeni ödəniş metodunu testən keçirməyi planlaşdırır. Rusiya paytaxtında üztanıma ilə gediş haqlarının ödənilməsi nəzərdə tutulur.

BEŞ.AZ bizimyol.info -ya istinadən xəbər verir ki, Moskvada bununla bağlı xeyli iş görüblər. Şirkətlərin öz hesabına avadanlıq quraşdırılıb. Biometrik göstəriciləri bank bazasında olan adamlar sınaq prosesində könüllü iştirak edə biləcək. Metropoliten bu testlə prosesin effektliyini yoxlamaq istəyir. Alınarsa, metronun işi bir az da rahat olacaq.

Müştərilərin yeni ödəniş metodundan narahatlığı da var. Sosial şəbəkələrdə təhlükəsizlik məsələləri geniş müzakirə olunur. Moskva metropoliteni hamını sakit olmağa çağırır. Metro rəhbərliyi hər xırda detal haqda düşündüyünü bildirir.